Наша мова — жывая і невычэрпная крыніца сакавітых слоў. Фразеалагізмы, прыказкі і прымаўкі ў народзе называюць залацінкамі народнай мудрасці, самацветамі, самародкамі. Але, каб моўныя залацінкі свяціліся мудрасцю, іх трэба ўмела выкарыстоўваць.
Вось гэтаму і вучыліся трэццякласнікі сярэдняй школы №5, якія прынялі ўдзел у конкурсе эрудытаў «Залацінкі роднай мовы», падрыхтаваным для іх супрацоўнікамі бібліятэкі. І паказалі сябе сапраўднымі эрудытамі!
