17 верасня ў Жодзіне прайшоў гарадскі фестываль беларускай традыцыі і культуры «#ПаБУЛЬБЕ». Цэнтральная гарадская бібліятэка прадставіла інтэрактыўную пляцоўку, дзе ўдзельнікі маглі паспрабаваць свае сілы ў бульбяных шашках і бульбяных гарадках. Супрацоўнікі бібліятэкі прыгатавалі страву «Бульба з салам», абарона якой перад журы была прадстаўлена ў выглядзе тэатралізаванай пастаноўкі «Вяселле Бульбы з Салам».
Фестываль «#ПаБУЛЬБЕ» стаў сапраўдным святам. Тут можна было не толькі пазнаеміцца з разнастайнасцю страваў з бульбы, але і даведацца больш пра беларускія традыцыі, паўдзельнічаць у займальных гульнях і проста выдатна правесці час з сябрамі і блізкімі.
